SamCoding jamoasi navbatdagi reytingli musobaqani muvaffaqiyatli yakunladi. Division 3 doirasida o'tkazilgan mazkur musobaqada ishtirokchilar nafaqat o'z bilimlarini sinovdan o'tkazdilar, balki platforma reytingida o'z o'rinlarini mustahkamlash uchun kuchli raqobat muhitini yuzaga keltirdilar.

1. Shoyim Obloqulov — Barcha 6 ta masalani 100% aniqlik bilan yechib, musobaqa g'olibiga aylandi.
2. Kamron Taxirov — 6 ta masalaning barchasini muvaffaqiyatli topshirgan holda, jarima ballari hisobiga faxrli 2-o'rinni egalladi.
3. Quvonchbek Saydullayev (SamSU) — 6 ta masala yechib, kuchli uchlikdan joy oldi.

SamCoding jamoasi barcha ishtirokchilarga ko'rsatgan faolligi uchun minnatdorchilik bildiradi.